Marsiya Text
(Salaam)

 

Misaale badr joh haasil huva kamaal mujhe
Ghata ghata ke falak ne kiya hilaal mujhe


Teri madad ka faqath Ya Ali bharosa hai
Kisi ki aas nahin waqte inteqaal mujhe


Kareem joh tujhe dena ho betalab dedey
Faqeer hoon pa nahin haajate sawaal mujhe


Kisi ke saamne kyon jaake haath phailaaoon
Mera kareem jo deytah hai bay sawaal mujhe


Hussain kehtey thay pushtay faras se girtah hoon
Madad ka waqt hai ae bekasi sambhaal mujhe


Hussain kehtey thay parwardigaar rahiyo gawaah
Ke qatl kartey hain naahaq yeh badh qisaal mujhe


Andheri qabr mein mushkil Anees ko hai bohath
Dikhaadoh Ya Ali ab chaand sa jamaal muhjhei

 

Home | The Holy Quran | Marsiye | Majalis | Nauhay | Qasiday | Munajat | Duas | Books | Islamic Gallery