Marsiya Text
(Salaam)

 

Boli Zainab utho imdad ko aao Abbas
Zibha hota hae mera bhayi Abbas


Sar toh shah ka ab sajdae qaliq mein jhuka
Haath se shumr ke qanjar ko chudao Abbas


Ab Sakina pah yateemi ka sitam toot gaya
Ab taras khao kaleje se lagao Abbas


Aag qaimoun mein lagane chale aaye hain adoo
Ghash mein hae Abede beemar jagao Abbas


Jo ridah hazrate Zehra ki thi mere sar par
Woh ridah shumr ne cheeni hae dilao Abbas


Laashe besar se hae lipti hui nanhi bachchi
Aao nadaan Sakina ko chudao Abbas


Mere baazu mein rasan baandhtha hae shumre shaqi
Is azeeyat se behan ko toh bachao Abbas


Saath ghurbat mein yateemoun ko na chodo bhaiyya
Main bulaati hoon mere paas toh aao Abbas


Honay tasheer chali jaati hae nashaad behan
Fouje aada ko jalal apna dikhao Abbas


Tumse karti hoon sifaarish yehi Hyder ke liye
Apne qadmoun mein jagah usko dilao Abbas

 
 

Home | The Holy Quran | Marsiye | Majalis | Nauhay | Qasiday | Munajat | Duas | Books | Islamic Gallery